(traduzione italiana sotto)
Gjavât fûr di PUP, CARLI 2006: Memoriis platadis. Olmis di storie te
narative popolâr furlane. Feagne: Edizions Associazion Culturâl “El Tomât”
Zuan Minut (1895 – 1967)
Giovanni
Minut (dispès clamât Zovanin o, a pont, Zuan) al jere nassût a Visc ai 26 di
Dicembar dal 1895 di une famee contadine. Di zovin al frecuente la scuele serâl
agrarie di Gurize e cuant che e sclope la prime vuere mondiâl si ricjate cu la
divise austriache, prime tes retroviis dal Friûl orientâl e po sui confins a
soreli jevât dal Imperi. “Arlêf ” di une figure interessante di socialist e
artist come Rodolfo Del Mestri [1], finide la vuere, si bute ad in plen inte
militance politiche, ma soredut sindacâl prime cul partît socialist e po, cu la
crevadure dal ’21, cui comuniscj. La sô passion, la sô preparazion e la sô
capacitât oratorie lu puartin in curt a deventâ segretari de Federazion
Provinciâl dai Lavoradôrs de Tiere, la leghe rosse dai contadins ative intal ex
Friûl imperiâl [2].
Lu
cjatìn protagonist intes lotis dai contadins e dai sotans dal Friûl orientâl
che si cjatin a fâ i conts cuntune azion simpri plui agressive dai latifondiscj
e dai proprietaris locâi e cuntun cambiament politic e aministratîf traumatic
(cheste zone dal Friûl e jere stade, di fat, sot dal Imperi austriac par
almancul cinc secui). Il partît popolâr che, fintremai la vilie de vuere, al
jere stât il pont di riferiment de grande part de popolazion, acusât di jessi
austriacant al ven perseguitât cun fuarce e i siei dirigjents principâi, tant
che Faidutti e Bugatto, a son obleâts al esili. Ancje lis concuistis sindacâls
e sociâls otignudis prin de vuere a vegnin metudis in discussion dal gnûf ordin
politic che tai prins agns, intes gnovis provinciis, si poie, di fat, su
comissaris nomenâts inaltrò e su la aministrazion militâr [3].
In
curt al devente un dai personaçs plui cognossûts dal Friûl orientâl e un dai
plui amâts de int. La sô figure e cjate un rivoc grues ancje su “Il
Lavoratore della Sera”, cuotidian dai socialiscj stampât a Triest, là che
al ven sorenomenât “il pridicjadôr socialist” e presentât come “il
giovane compagno Minut che nelle riunioni fevele simpri furlan”.
Minut, di fat, al fevele simpri par furlan ancje tai siei comizis e, ancje par
chest, si cjate a ce fâ dispès cui carabinîrs che i proibissin di fevelâ te sô
lenghe, come che i capite tal Març dal 1920 a Lonzan. Cuant che po, tal Mai di
chel stes an, al ven arestât a Tierç tant che al cîr di fermâ i carabinîrs che
a vuelin secuestrâi il fen a di un contadin, si discjadene il montafin. No coventin
il stât di emergjence proclamât des autoritâts e nancje i reparts di ardîts
mandâts a ocupâ i ponts strategjics, parcè che i lavoradôrs de tiere, ma ancje
i operaris di Monfalcon si movin par liberâ il lôr “eroi”.
Minut
al pant un amôr totâl pe sô lenghe, pe sô tiere e pe sô int, che si pues viodi
ancje tun librut di poesiis publicât tal 1921, [4] là che al jes dai schemis de
poesie furlane in vore ta chei agns, sei dal pont di viste stilistic, sei di
chel dai contignûts (cun tescj di denuncie sociâl e antimilitariscj). La
jessude di cheste publicazion i discjadenarà cuintri dute la asse di une cierte
part dal mont culturâl furlan che al judicave scandalôs sei il so stîl di
roture, sei i siei argoments.
Tal
1923 al emigre in Sud Americhe, prime in Argjentine e po in Uruguay, là che si
fasarà un non te industrie dal lat. A obleâlu a cheste sielte e je la campagne
difamadorie inviade cuintri di lui, no
dome dai siei aversaris politics, ma ancje, e in maniere fintremai plui feroce,
dai siei ex compagns socialiscj daspò de decision di passâ cui comuniscj. A
cheste situazion si zontin lis violencis simpri plui pesantis cuintri di lui e
de sô famee de bande dai fassiscj. Ancje Minut, duncje, come tancj altris
militants antifassiscj al scugne cjapâ la strade amare dal esili.
[1] Par savê alc di plui su Del Mestri e sui siei
rapuarts cun Minut si rimande al libri di: TASSIN, FERRUCCIO: Artist. Gorizia:
Comune di Visco.
[2] Su la ativitât di Minut inte suaze politiche e
sindacâl di chei agns intal Friûl orientâl al reste fondamentâl il libri di: JACUMIN,
RENATO 1974: Le lotte contadine nel Friuli orientale 1891/1923. Udine:
Doretti Editore.
[3] In mert si pues viodi: PUP, CARLI 1998: La
seconde Irlande. Il Friûl orientâl tra il 1915 e il 1922. – in “La Comugne”,
n.2. Udin: Edizions Kappa Vu.
[4] MINUT, GIOVANIN 1921: Rimis furlanis –
Gurize: Tipografie Social. La publicazion e je stade riscuvierte dal
professôr Zorç Faggin che le à fate ristampâ intal 1977.
Estratto da PUP, CARLI 2006: Memoriis
platadis. Olmis di storie te narative popolâr furlane.
Fagagna: Edizioni Associazione
Culturale “El Tomât”.
Zuan
Minut (1895 – 1967)
Giovanni Minut (chiamato spesso
Giovanin o, appunto, Zuan) nasce a Visco (UD) il 26 dicembre 1895 da una
famiglia contadina. Da giovane frequenta la scuola agraria serale di Gorizia e
allo scoppio della prima guerra mondiale si ritrova con la divisa austriaca,
dapprima nelle retrovie del Friuli Orientale e poi sui confini orientali
dell'Impero. “Allievo” di una interessante figura di socialista e di artista
come Rodolfo Del Mestri (1), al termine della guerra si dedica appieno alla
militanza politica e, soprattutto, sindacale, prima con il partito socialista e
poi, con la scissione del '21, con i comunisti. La sua passione, la sua preparazione
e la sua capacità oratoria lo portano in breve a diventare segretario della
Federazione Provinciale dei Lavoratori della Terra, la lega rossa dei contadini
attiva nel ex Friuli imperiale (2).
Lo troviamo protagonista nelle
lotte dei contadini e dei braccianti del Friuli orientale che si scoprono a
dover fare i conti con un'azione sempre più aggressiva dei latifondisti e dei
proprietari terrieri locali, in una fase di cambiamenti politici ed
amministrativi traumatica (questa zona del Friuli era stata, di fatto, parte
dell'Impero Austriaco per almeno cinque secoli). Il Partito Popolare che, fino
alla vigilia della guerra, era stato il punto di riferimento della maggioranza
della popolazione viene accusato di essere austriacante e viene perseguitato
con forza ed i suoi principali dirigenti quali Faidutti e Bugatto sono
obbligati all'esilio. Anche le conquiste sindacali e sociali ottenute prima
della guerra vengono messe in discussione dal nuovo ordine politico che nelle
nuove provincie, nei primi tempi, si affida di fatto a commissari nominati
altrove ed all'amministrazione militare(3).
In breve, il Minut diventa uno
dei personaggi più conosciuti del Friuli orientale ed uno dei più amati dalla
gente. La sua figura trova una grossa eco anche su “Il lavoratore della Sera”,
quotidiano dei socialisti stampato a Trieste, dove viene soprannominato “il
pridicjadôr socialist” (il predicatore socialista) e presentato come “il
giovane compagno Minut che nelle riunioni fevele simpri furlan”
(...parla sempre in friulano). Il Minut, infatti, parla sempre in friulano
anche nei suoi comizi e, anche per questo motivo, si ritrova spesso ad aver a
che fare con i carabinieri che gli proibiscono di parlare nella sua lingua,
come avviene a Lonzano (frazione di Dolegna del Collio) nel marzo 1920.
Quando poi, nel maggio dello
stesso anno, viene arrestato a Terzo d'Aquileia mentre cerca di fermare i
carabinieri che vogliono sequestrare un carico di fieno ad un contadino, si scatena il finimondo. A
nulla valgono lo stato di emergenza proclamato dalle autorità e nemmeno i
reparti di arditi inviati ad occupare i punti strategici perché non solo i
lavoratori della terra ma anche gli operai di Monfalcone si muoveranno per
liberare il loro “eroe”.
Il Minut esterna un amore totale
per la sua lingua, per la propria terra e la sua gente, che si può ben
apprezzare in un libretto di poesie pubblicato nel 1921, (4) dove l'autore esce
dagli schemi della poesia in auge in quel periodo, sia dal punto di vista
stilistico che da quello dei contenuti (con testi di denuncia sociale ed
antimilitaristi). L'uscita di questa pubblicazione gli scatenerà contro tutto
l'odio di una certa parte del mondo culturale friulano che giudicava scandalosi
sia il suo stile di rottura sia i suoi argomenti. Nel 1923 emigra in Sud
America, in un primo tempo in Argentina e poi in Uruguay, dove diventerà famoso
nell'industria del latte. Ad obbligarlo a questa scelta è la campagna
diffamatoria mossagli contro non solo
dai suoi avversari politici ma anche, ed in maniera ancora più feroce, dai suoi
ex compagni socialisti dopo la sua decisione di passare ai comunisti. A questa
situazione si aggiungono violenze sempre più pesanti contro di lui ed i suoi
famigliari da parte dei fascisti. Anche il Minut, dunque, come tanti altri militanti
antifascisti, deve prendere l'amara strada dell'esilio.
(1) Per
saperne di più sul Del Mestri e sui suoi
rapporti con il Minut si rimanda al libro di: TASSIN, FERRUCCIO: Artist.
Gorizia: Comune di Visco.
(2) Sull'attività
del Minut nell'ambito politico e sindacale di quel periodo nel Friuli orientale
rimane fondamentale il libro di: JACUMIN, RENATO 1974: Le lotte
contadine nel Friuli orientale 1891/1923. Udine: Doretti Editore.
(3) In
merito vedasi: PUP, CARLI 1998: La seconde Irlande. Il Friûl orientâl
tra il 1915 e il 1922. - in “La Comugne”, n. 2. Udine: Edizioni
Kappa Vu.
(4) MINUT, GIOVANNI 1921: Rimis
furlanis – Gorizia: Tipografia Sociale. La pubblicazione è stata
riscoperta dal prof. Giorgio Faggin che l'ha fatta ristampare nel 1977.
|